ମୋ ଜେଜିମା

ଲେଖା : ଶ୍ରୀ କୁଞ୍ଜ ବିହାରୀ ସାହୁ

ମୋ ଜେଜିମା ପୁରୁଣାକାଳିଆ
କାନରେ ନାଇଛି ନୋଳି,
ଥିରି ପାଦେ ସିଏ ଅଗଣାକୁ ଯାଇ
ବାନ୍ଧିଦେଲା ପଟା ଦୋଳି ।
କହିଲା -ନାତୁଣୀ ଆ,
ଚନ୍ଦନ, କୁଙ୍କୁମ, ଅଳତା ଲଗେଇ
ଦୋଳିରେ ଝୁଲି ତୁ ଯା ।
ଜେଜିମା କଥାରେ ହୁଁ ମାରିଦେଇ
ବସିଲି ଦୋଳିରେ ଥିରି,
ଜେଜିମା ପଛରୁ ପହୁଞ୍ଚା କରିଲା
ହସିଲି ମୁଁ କିରିକିରି ।
ଖାଇଲି ରଜର ପାନ,
ଓଠଟି ଦିଶିଲା ନାଲିଆ ନାଲିଆ
ଭାଙ୍ଗିଲା ମୋ ଅଭିମାନ ।
ଜେଜିମା କହିଲା ରଜ ତିନିଦିନ
ପୁଅଝିଅଙ୍କର ମେଳି,
ପୁଅ ଖେଳୁଥାନ୍ତି ଡୁ..ଡୁ.. ଖୋ..ଖୋ
ଝିଅମାନେ ପୁଚି, ଦୋଳି ।
ପିଠା, ମିଠା ପାନ ଖିଆ,
ହସଖୁସୀ ଚାଲେ ମଜାମଉଜରେ
ଚାଲେ ପୁଣି ଦିଆନିଆ ।
ପାକୋଇ ଜେଜିମା ମୁଣ୍ଡକୁ ଆଉଁଷି
କହିଲା ସୁନ୍ଦର କଥା,
ଜେଜେ ପୋତିଥିଲେ ଚାରାଟିଏ ଦିନେ
ଆଜି ଟେକିଅଛି ମଥା ।
ଦୋଳି ତୁ ଖେଳିଲୁ ଡାଳେ,
ସେଇଥିପାଇଁକି ପାେତିଦେ ଚାରାଟେ
ବସୁମତୀ ସ୍ନାନ କାଳେ ।

∎
ଭୁବନେଶ୍ବର
୭୦୦୮୧ ୪୨୦୪୦