ଫଳ ମାନେ ଦିନେ ଲାଗିଲେ କଳି

ଲେଖା : ଡ. ସନାତନ ପଣ୍ଡା

ଫଳ ମାନେ ଦିନେ ଲାଗିଲେ କଳି ।
ସଭିଏଁ ଏକକୁ ଆରେକ ବଳି ॥
କଞ୍ଚା ପିଜୁଳିକୁ କସି କାକୁଡି ।
ଖାଇଲେ ଜାଣିବ କଂଚା କାମୁଡି ॥
ଆପେଲ କହିଲା ମୋତେ ଯେ ଖାଏ ।
ରୋଗ ତାଆ ଠାରୁ ଦୂରେଇ ରହେ ॥
ପାକଲା କଦଳୀ ଭାରି ସୁଆଦ ।
ମୁଣ୍ଡର ବୁଦ୍ଧି ମୁଁ କରେ ସମୃଦ୍ଧ ॥
ସପୁରି ପଣସ ସୁଆଦ ମିଠା ।
ଖଜା ପଣସ ତୁ ମିଠାକୁ ଅଠା ॥
ପାଟିକି ସୁଆଦ ପେଟକୁ ହିତ ।
ଲିଚୁ ଫଳ ପରି ହେବ କେ ମିତ ॥
ଉପରେ ସବୁଜ ଭିତରେ ନାଲି ।
ତରଭୁଜ ଖାଅ ପାଣିକୁ ଭୁଲି ॥
ରୋଗୀ ଅବା ଭୋଗୀ ସଭିଏଁ ଖାଅ ।
ଅଙ୍ଗୁର କୋଳି ମୁଁ ସବୁରି ପ୍ରିୟ ॥
କୋଷା କୋଷା କରି ଖାଅ କମଳା ।
ଭିଟାମିନ -ସି ମୋ ଦେହ ସାରା ॥
ପରିବା ସିନା ମୁଁ ଫଳରେ ଯାଏ ।
ମିଠା ଭଣ୍ଡା ପରି ସୁଆଦ କିଏ ॥
ଟିକି ଟିକି ଦାନା ନାଆ ବେଦନା ।
ନିଆରା ସୁଆଦ ଭୁଲି ହୁଏନା ॥
ବାହାରେ ଟାଣ ମୋ ଭିତରେ ପାଣି ।
ଶ୍ରୀଫଳ ମହିମା କିଏ ନଜାଣି ॥
ଫଳ ରାଇଜର ରାଜା ମୁଁ ଆମ୍ବ ।
କଂଚା-ପାଚଲା ମୋ ସରି କେ ହେବ ॥
ସବୁ ଫଳ ଏବେ ହେଲେଣି ମେଳ ।
ସାଲାଡ କର ମା` ବୋହିଲା ଲାଳ ॥
∎
Ph:9437114952
email: sanatan.oes@gmail.com