ଗୁଡ଼ିରେ ଗୁଡ଼ି ଯା` ତୁ ଉଡ଼ି

ଲେଖା : ଦେବେନ୍ଦ୍ର ଚୌଧୁରୀ

ଗୁଡ଼ିରେ ଗୁଡ଼ି ଯା` ତୁ ଉଡ଼ି
ନୀଳ ଆକାଶ କୋଳେ
ନଟେଇ ଧରି ରହିଛି ଚାହିଁ
ତୋତେ ମୁଁ ଏ`ଠି ତଳେ ।


ଶୀତ ସକାଳ କଅଁଳ  ଖରା
ବହେ ଉତ୍ତରା ବାଆ ,
ଉଡ଼ିଉଡ଼ି ତୁ ଯା` ରେ ଛୁଇଁ 
ଜହ୍ନମାମୁର ଗାଆଁ ।


ତୋ` ପାଇଁ ଖିଆପିଆ ଯେତେ ଯା`
ଯାଇଛି ସବୁ ଭୁଲି,
 ତୋ` ଉଡାଣରେ ଖୁସିରେ ମୋର 
ଛାତିଟା ଉଠେ ଫୁଲି ।


ଏ ଶୀତେ ଆଉ ତୋ` ଠାରୁ ଭଲ
ମିତ ମୋ କେହି ନାହିଁ,
ନଟେଇରୁ ମୁଁ ସବୁ ସୂତାକୁ 
ଛାଡି ଦେଲି ତୋ` ପାଇଁ ।
***********

ଡି/୨୦୦, କୋଏଲନଗର
ରାଉରକେଲା -୧୪, ସୁନ୍ଦରଗଡ଼
ଦୂରଭାଷ:୯୪୩୭୧୦୫୪୪୦