କବିତା

ଖୁସି ମନେ ଉଡ଼ି ବୁଲୁଥା `

ଲେଖା : ହରିହର ଶୁକ୍ଳ

ପବନ କହିଲା, ଫୁଲ ରେ
ତୁ ଝୁଲୁଥା`
ଫୁଲ କହିଲା, ପାଖୁଡ଼ା
ତୁ ଖୋଲୁଥା`
ପାଖୁଡ଼ା କହିଲା, ଭଅଁର-
ତୁ ଗୁଣୁଗୁଣୁ କରି
ଚାରିପଟେ ଘୂରି
ଖୁସି ମନେ ଉଡ଼ି ବୁଲୁଥା`।

ବରଷା କହିଲା, ସୁଅ ରେ
ତୁ ବହିଯା`
ସୁଅ କହିଲା, ନଈ ରେ
ତୁ ରହିଯା`
ନଈ କହିଲା, ପାଣି ରେ-
ତୁ କୁଳୁକୁଳୁ ହୋଇ
ମିଠା ଗୀତ ଗାଇ
କାହାଣୀ ତୋଅର କହିଯା`।

ମାଆ କହିଲେ, କୁନା ରେ
ତୁ ଖାଇଦେ`
କୁନା କହିଲା, ଗୀତଟେ
ତୁ ଗାଇଦେ`
ମାଆ ଗାଇଲେ, ଜହ୍ନ ରେ-
ତୁ ସରଗରୁ ଖସି
କୁନା ପାଖେ ବସି
ମୁଣ୍ଡେ ତା`ର ଟିକା ନାଇଦେ`।
∎
ବି-୧୦/୧୪୫, କେନ୍ଦ୍ରୀୟ ବିହାର
ତମାଣ୍ଡୋ, ଭୁବନେଶ୍ବର-୨୮
ଭ୍ରାମ୍ଯଭାଷ:୯୮୬୮୮୦୫୯୯୬