କବିତା

ଶିଶୁ ଦିବସ

ଲେଖା : ଧ୍ରୁବ ଚରଣ ଘିବେଲା

ନଭେମ୍ବର ମାସ ଚଉଦ ତାରିଖ
ଶିଶୁଙ୍କର ଦିନଟିଏ
ଶିଶୁଙ୍କର ପାଇଁ ମହତ୍ତ୍ୱ ଯେ ଥାଇ
ସ୍ମରଣୀୟ ଦିନ ସିଏ I
ସେଇ ଦିବସରେ ଜନମି ଥିଲେ ଯେ
ସେ ଆଉ କେହି ନୁହଁନ୍ତି
ଶିଶୁଙ୍କର ପ୍ରିୟ ସେ ଚାଚା ନେହେରୁ ନାମରେ ସଭିଏଁ ଜାଣନ୍ତି I
ତାଙ୍କ ଜନ୍ମଦିନ ହୁଅଇ ପାଳନ
ଶିଶୁଦିବସ ନାଆଁରେ
ସେଇ ମାସ ସେଇ ଦିନ ତାରିଖରେ
ସବୁ ଶିକ୍ଷାନୁଷ୍ଠାନରେ I
ଭଲ ପାଉଥିଲେ ସ୍ନେହ କରୁଥିଲେ
ଶିଶୁଙ୍କୁ ଅଧିକ ବୋଲି ତ
ସେଇଥିପାଇଁକି ତାଙ୍କ ଜନ୍ମଦିନ
ସବୁଠି ହୁଏ ପାଳିତ I
ଆୟୋଜିତ ହୁଏ ଦିବସ ପାଳନ
ପାଇଁ କି ସ୍କୁଲରେ ସଭା
ସଭିଏଁ ଆସିକି ସଭାରେ ରହିକି
ବଢ଼ାନ୍ତି ସଭାର ଶୋଭା I
ସେଦିନ ସ୍କୁଲରେ ସଭା ସମ୍ମୁଖରେ ତାଙ୍କ ଫଟୋ ଶୋଭାପାଏ
ଫୁଲମାଳ ଦେଇ ଚନ୍ଦନ ଲଗାଇ
ଆସେ ଯିଏ ଗୁଣ ଗାଏ I
ଆଜିର ଦିନରେ ନାହାନ୍ତି ନେହେରୁ
ମରି ସିଏ ଆଜି ଅମର
ଜନମ ଦିବସେ ଆହେ ଯୁଗଜନ୍ମା
ଘେନ ଜୁହାର ଆମ୍ଭର I

∎

ବଉଦରାଜ, ଜି. ବୌଦ୍ଧ
ମୋ.9437478466