କବିତା

କୁନି ଝିଅ

ଲେଖା : କୀର୍ତ୍ତନ ସାହୁ

ଆମ କୁନି ଝିଅ କଅଁଳ ପାଦ
ଥାପି ଦେଲେ ଶୁଭେ ମଧୁର ନାଦ
ଗେହ୍ଲି ଝିଅଟିଏ ଆମ
` ଡୁଡୁଲି ` ତାହାର ନାମ ।

ନିଅ ତାକୁ ଟିକେ କୋଳେଇ ନିଅ
କଥା କହି ଟିକେ ଗେହ୍ଲେଇ ଦିଅ
ହସି ଦେବ ଫି ` କରି
କିଏ ହେବ ତାହା ସରି ।

ସିଏ ପରା ଘର ମୁକୁତା ମଣି
ନ ଥାଉରେ ଘରେ ଗୋଟିଏ ଅଣି
ହେଲେ ଘର ପୂରି ଉଠେ
ସରଗ ସୁଷମା ତୁଠେ ।

କୁନି ଝିଅ ମିଠା କଥାଟି କହେ
ସତେ ଅବା ମଧୁ ମଳୟ ବହେ
ଡାକି ଦେଲେ ଧାଇଁ ଆସେ
ବସି ଯାଏ ଆମ ପାଶେ ।

ଧୀରେ ଧୀରେ ଦିନେ ବଡ ସେ ହେବ
କେତେ ଭଲ ଗୁଣ ଦେଖେଇ ଦେବ
କାମ ତା କଅଁଳ ଖରା
ଆମ କୁନି ଝିଅ ପରା ।

∎
ମିଶ୍ର କଲୋନୀ
ଶାଳପଡ଼ା, କେନ୍ଦୁଝର
ଦୂରଭାଷ – ୯୪୩୮୪୧୪୭୦୧