ତିଆରେ ନିଜ ଘର

ଲେଖା : ଡକ୍ଟର ଲକ୍ଷ୍ମୀକାନ୍ତ ଖୁଣ୍ଟିଆ

କାଠିକୁଟା ପତର ଆଣି
ତିଆରେ ନିଜ ଘର
ତା `ପରି ଆଉ ଏମିତି ଅଛି
କିଏ ସେ କାରିଗର?
ଖଜୁରୀ ଅବା ତାଳଗଛର
ନହକା ବରଡାରେ
ତୋଳଇ ସିଏ ନିଜ ଘରକୁ
ଝୁଲଇ ପବନରେ.
ବାଆ ବତାସ ଯେତେ ବା ଆସୁ
ନ ଥାଏ ତା`ର ଡର
ସେଇଠି ରଖେ ନିଜ ଛୁଆଙ୍କୁ
ସେଇଟା ତା`ର ଘର.
ଲୋକେ କୁହନ୍ତି କି ଆସେ ଯାଏ
ବାଆରେ ଝୁଲେ ବସା
ବାଇଚଢେଇ ଚତୁର ମୁହିଁ
ହୁଏ ନି ଲୋକହସା.
କଳାକୌଶଳ ମୋତେ ତ ଜଣା
କାରିଗର କେ ନାହିଁ
ନିଜେ କରିଛି ସୁନ୍ଦର ବସା
ଡାଳେ ଝୁଲିବା ପାଇଁ.
∎