କବିତା

ମିଠା ମହକ :‌ ଜୀବନ ଫୁଲ

ଲେଖା : ପ୍ରଶାନ୍ତ କୁମାର ଦାଶ

କାହାର ଦୁଃଖ ଦେଖିଲେ ଥରେ
ଛାତିରେ ଉଠେ କୋହ
ଆପଣା ଛାଏଁ ଖସି ପଡଇ
ଆଖିରୁ ଧାରେ ଲୁହ ||

ସ୍ନେହ ପ୍ରେମର ଝରଣା ବୋହେ
ଦୁନିଆଛାତି ପରେ
ମିଠା ମହକ ବଚନ ଶୁଣି
ଦୁଃଖ ଆବେଗ ସରେ ||

ମରମତଳେ ସବୁରି ପାଇଁ
ସମବେଦନା ରଖି
କରିଲେ ହିତ ପୁଲକେ ଚିତ୍ତ
ଛୁଟଇ ମନପକ୍ଷୀ ||

ଦୁନିଆହିତ ସାଧିଲେ ପାଏ
ମଣିଷ ଦିନେ ପୂଜା
ନଥାଏ ଶିରେ ମୁକୁଟ ସିଏ
ହୁଏ ରାଇଜ ରାଜା ||

ମହକି ଉଠେ ଜୀବନଫୁଲ
ଜଗତ ହୁଏ ଖୁସୀ
ସରଗୁ ପୁଣି ଧରଣୀ କୋଳେ
ପଡ଼ଇ ସୁଧା ଖସି ||

∎

କୁଞ୍ଜର -ସଙ୍ଗଳାଇ
ପିପିଲି -ପୁରୀ
ମୋବାଇଲ -୯୬୬୮୮୨୨୧୯୦