ଜନମ ଭୂଇଁ ଓଡିଶା

ଲେଖା : ଦୀନବନ୍ଧୁ ପୋଇ

ଜନମ ଭୂଇଁ ଓଡିଶା ମୋର
ତାପରି କେହି ନାହିଁ
ତାହାରି କୋଳେ ଜନମ ହୋଇ
ଧନ୍ୟ ହୋଇଛି ମୁହିଁ ।
ଉତ୍କଳ ବୋଲି ଜାଣନ୍ତି ତାକୁ
ଯେଣୁ ଉତ୍କୃଷ୍ଟ କଳା
ସାକ୍ଷୀ କୋଣାର୍କ, ଖଣ୍ଡଗିରିର
ସାଧୁ ସନ୍ଥଙ୍କ ମେଳା ।
ତାରକସିରେ ବିଖ୍ୟାତ ଆଜି
ତାର କଟକ ଜିଲ୍ଲା
ଜିଆଇ ମାନ୍ୟ ଆଣିଦେଇଛି
ଓଡିଶା ରସ ଗୋଲା ।
ପୁରୀ ଚାନ୍ଦୁଆ ଢେଙ୍କାନାଳିଆ
ବରା ପ୍ରସିଦ୍ଧ ଏଠି
ତା ଭାଷା ସଂସ୍କୃତି ପୂଜା ପଦ୍ଧତି
ଧରି ରଖେ ଏକାଠି |
ଏଠି ଜନମ ଜୟି ବାଜିଆ
ରେବତୀ ସ୍ରଷ୍ଟା କବି
ମଧୁବାବୁଙ୍କ ସେ ବର୍ଣ୍ଣବୋଧ
ଆକର୍ଷଣୀୟ ଛବି |
ସମ୍ବଲପୁରୀ ଶାଢି ଆଦର
ଆମର ପରିଚୟ
ବିଶ୍ଵରେ ଆଜି କହୁ ଗର୍ବରେ
ବୁଣାକାରର ଜୟ ।
ଓଡିଶା ପାଇଁ ଆସରେ ଭାଇ
ଫୁଲାଇ ଦେଇ ଛାତି
ଗାଇବା ତାର ଯଶ ଗୌରବ
ରଖି ତା ଭାଷା ପ୍ରୀତି ।
∎
ଗୋରଡା ପାଳ , କରମୂଳ, ମହିମାଗାଦି
ଢେଙ୍କାନାଳ, ଦୂରଭାଷ - ୯୯ ୩୮୮୦୨୪୧୨