କବିତା

ଶିଶୁର ଓଠରେ

ଲେଖା : ଧ୍ରୁବ ଚରଣ ଘିବେଲା

ଶିଶୁର ଓଠରେ ହସ ଚମକିଲେ
ମାଆ ମୁହେଁ ଭରେ ଖୁସି
ମାଆର ଓଠରୁ ଡେଇଁ ସେଇ ହସ 
ଶିଶୁ ଓଠେ ଯାଏ ଲାଖି I
ଶିଶୁ ମୁହେଁ ହସ ଭଉଁରୀ ଖେଳିଲେ
ମାଆ ମନ ଯାଏ ପୁରି
ମାଆରଆଖିରେ କେତେଯେଖୁସିରେ
ଲୋତକ ଯାଏଟି ଭରି ।
ଶିଶୁ ସୁନା ମୁହଁ ଉଦିଆଁ ଚାନ୍ଦ ସେ
ଉଏଁ ମାଆ ମନ ଆକାଶେ
ସେ ଚାନ୍ଦ ଉକିଆ ଫରଚା ବଢ଼ିଆ ;
ମାଆର ମନ ଝଲସେ ।
ଶିଶୁର ଓଠରେ ମାଆ ମୁହଁ ଭାଷା
ଧିରେ ଧିରେ ଯାଏ ଫୁଟି
ଶିଶୁର ଓଠରୁ ଶବଦ ଆକାରେ
ଶବ୍ଦ ଫୁଲ ପଡ଼େ ଫିଟି I
ଶିଶୁ ମୁହଁ ଭାଷା ମାଆ ଭାଷା ଭଳି
ଆସ୍ତେକି ଆସେ ଉତୁରି
ମାଆ ମୁହଁ ଭାଷା ଶିଶୁ ମାତୃଭାଷା
ଶିଶୁ ନିଏ ଆପେ ଆଦରି I
ଶିଶୁର ଓଠରେ ମାଆ ମୁହଁ ଚୁମା
ଛୁଆଁ ଆଣେ ଶିହରଣ
ଶିଶୁ ହସି ଦିଏ ଛୁଆଁ ଆବେଗରେ
ଖୁସି ଭରେ ମାଆ ମନ I

∎

ବଉଦରାଜ, ଜି. ବୌଦ୍ଧ
ମୋ.9437478466