ସବୁରି ମନରେ ଫୁଟାଇ ହସ

ଲେଖା : ମହେନ୍ଦ୍ର କୁମାର ମଲ୍ଲିକ

ନୂଆ ସକାଳର ସୁନେଲି କିରଣ
ଧୋଇଦିଏ ଆସି ଧରଣୀ ପାଦ
ଝରଣାର ଜଳ ବହେ କଳ କଳ
ସାଗରେ ମିଶଇ କେଡେ ଆନନ୍ଦ/
ଶିଶିର ପରଶେ ତରୁ ପଲ୍ଲବିତ
ଗୁଳ୍ମଲତା ସବୁ ଉଠିଲେ ଚେଇଁ
ପ୍ରକୃତିର କୋଳ କରି ଉଲ୍ଲସିତ
ସୁରଭିତ ହେଲା ମରତ ଭୂଇଁ /
ଖରା ଛାଇ ଏଠି ଖେଳେ ଲୁଚକାଳି
ସବୁଜ କ୍ଷେତରେ ସିଆର କାଟେ
ଉଡେ ଗେଣ୍ଡାଳିଆ ଝାଡ଼ି ଦେଇ ପର
ଗୋହିରୀ ବିଲର ମହିଷା ପାଟେ /
ମଳୟ ପଵନ ହୋଇ ଆନମନା
ଗାଏ ବସନ୍ତର ମଧୁର ଗୀତି
ଆମ୍ବ ବଉଳର ଫଗୁଣ ମହକ
କୋଇଲିର କୁହୁ ଉଲ୍ଲାସେ ମତି /
ନୀଳ ଗଗନରେ ପୁନେଇଁର ଚାନ୍ଦ
ବାଣ୍ଟଇ ମହକ ସଜ ଶେଫାଳି
ସବୁରି ମନରେ ଫୁଟାଇ ହରସ
ପରାଣେ ପୁଲକ ଦିଅଇ ଢ଼ାଳି /

ଜିଏ -423, କୈଳାସ ବିହାର
ଶୈଳଶ୍ରୀ ବିହାର, ଭୁବନେଶ୍ୱର -21
ମୋ -9437281155