ଏଇ ମୋ ଓଡିଶା

ଲେଖା : ଡକ୍ଟର ସୁନାମଣି ରାଉତ

ଏଇ ମୋ ଓଡିଶା ତା` ସାହି ପଡିଶା
ତା` ପାଣି ପବନ ମାଟି
ତୋଟାମାଳ ତା`ର କେତେ ଆପଣାର
କି ସୁନ୍ଦର ଘର ଘାଟି ॥୧॥

ତା` ଜଗତ ନାଥ କାଳିଆ ସାଆନ୍ତ
ପତିତପାବନ ନେତ
ଆମେ ଭାଇଭାଇ ଭେଦଭାବ ନାହିଁ
ନାଚି କହୁଅଛି ସେ`ତ ॥୨॥

ତା` ରାଉରକେଲା ଆସ୍କା, ହୁକିଟୋଲା
ହୀରାକୁଦ, ପାରାଦୀପ
କେତେ ବନ୍ଧବାଡ ତା` ଅଝାଡ ଝାଡ
ଜଙ୍ଗଲର ଖାଲଢିପ ॥୩॥

ତା`ର ରଜଦୋଳି କେତେ ଜାତି କୋଳି
ଆହା କି ମଧୁର ମିଠା
ତା`ର ପୋଡପିଠା ଏଣ୍ଡୁରି, ଗଇଁଠା
ଆରିଶା, କାକରା ପିଠା ॥୪॥

ତା`ଦୋଳ ମେଳଣ ଠାକୁର ଝୁଲଣ
କୁଆଁର ପୁନେଇ, ପୁଚି
ଭାରି ଭଲ ଲାଗେ ତା ଅଗଣା ଘରେ
ଖେଳିବାକୁ ଲୁଚାଲୁଚି ॥୫॥

ସବୁତ ସୁନ୍ଦର ଲଗାଏ ହୁନ୍ଦର
ତା` ପବିତ୍ର ଭୁଇଁ ଛୁଇଁ
ତା` ମାନ ମହତ ରଖିବାକୁ ଶତ
ଶପଥ କରୁଛି ମୁହିଁ ॥୬॥

ରାଜା ବଗିଚା, କଟକ-୯
ମୋ-୭୯୭୮୩୧୯୨୭୯