ଆଗକୁ ଆସୁଛି ରଥ ଯାତରା

ଲେଖା : ଦୀନବନ୍ଧୁ ପୋଇ

ଆଗକୁ ଆସୁଛି ରଥ ଯାତରା
ହେଲାଣି ମନ୍ଦିର ସଫା ସୁତରା ।
ଯାତରା ଭିତରେ ଇଏ ନିଆରା
ଏଠି ରାଜା କରେ ଛେରା ପହଁରା ।
ବିଜେ ହେବେ ତିନି ଦିଅଁ ରଥରେ
ତିନି ରଥ ଚାହିଁଛନ୍ତି ପଥରେ ।
ଦିଶୁଥାଏ ରଥ ଆହାକି ତୋରା
ବସି ଖୁସି ହେବେ କାଳିଆ ଗୋରା ।
ଭକ୍ତ ସମାଗମ ହେବ ପ୍ରବଳ
ବଡ ଦାଣ୍ଡ ହେବ ସେ କୋଳାହଳ ।
ଜୟ ଜଗନ୍ନାଥ ଭକ୍ତ କହିବେ
ଦୁଇବାହୁ ଟେକି କେତେ ନାଚିବେ ।
ଡାହୁକର ଡାକ କାନେ ଶୁଣିବେ
ଭକତ ରଥକୁ ସେ ଟାଣି ନେବେ ।
ଆଗକୁ ଆଗକୁ ରଥ ଚାଲିବ
ଗୁଣ୍ଡିଚା ମନ୍ଦିରେ ଯାଇ ରହିବ ।
∎
ଗୋରଡ଼ାପାଳ, କରମୂଳ
ଢେଙ୍କାନାଳ, ଦୂରଭାଷ – ୯୯୩୮୮୦୨୪୧୨