ରଖିଯିବା ଯଶ ନାମ

ଲେଖା : ନୀଳମଣି ଚାନ୍ଦ

ଘଣ୍ଟା ଚାଲୁଥାଏ ନଈ ବହୁଥାଏ
ଅଟକିବା ଦେଖିନାହିଁ
ପଛକୁ ନ ଚାହିଁ ଆଗକୁ ଚାଲରେ
ଶିକ୍ଷା ଦିଏ ଆମ ପାଇଁ।

ଆଗକୁ ଚାଲିବା କଥାଟି ଶିଖିବା
ଘଣ୍ଟା ଓ ନଈକୁ ଦେଖି
ଆଜି କାମ ଆଜି କରିବା କଥାଟି
ଦେବା ଡାଏରୀରେ ଲେଖି।

ଅଳସୁଆ ଯିଏ କାମକୁ ପକେଇ
ବସି ମାରୁଥାଏ ହାଇ
ଆଗକୁ ଚାଲିବା କଥା ପୂରାପୂରି
ମନରୁ ସେ ଭୁଲିଥାଇ ।

ଘଣ୍ଟା ଚାଲୁଥାଉ, ନଈ ଚାଲୁଥାଉ
ହାତ ଚାଲୁଥାଉ ଆମ
ଭଲକାମ କରି ଆଗେଇ ଚାଲିଲେ
ରଖିଯିବା ଯଶ ନାମ ।
∎
୨୭,ମନ୍ତ୍ର ମାନୋର,ଗୋଠପାଟଣା
ଭୁବନେଶ୍ୱର,ମୋ:୯୫୮୩୨୦୨୩୫୭