କବିତା

କଲମ ମୋର ସାଥୀ

ଲେଖା : ପ୍ରଶାନ୍ତ କୁମାର ଦାଶ

କଲମ ମୋର ଜୀବନ ମିତ
କଲମ ପୁଣି ସାଥୀ
କଲମ ଧରି ସଞ୍ଜ ସକାଳେ
ଲେଖାରେ ଯାଏ ମାତି ||

ହାତରେ ଥିଲେ କଲମ ମୋର
ଦେହରେ ଭରେ ବଳ
କଲମ ପାଇଁ ମିଳଇ ମତେ
ପାଠରେ ଭଲ ଫଳ ||

କଲମ ଧରି ଲେଖଇ ଗପ
କବିତା କେତେ ଭଳି
ଦେଖାଏ ଭଲ ବାଟ କଲମ
ଦୀପଟି ପରି ଜଳି ||

କାଗଜ ପିଠି ଉପରେ ଛୁଟେ
ଥକି ପଡେନା ଜମା
କଲମ ଥାଇ ପାଖରେ ତଡେ
କେତେ ଅଜ୍ଞାନ ଅମା ||

କଲମ ଥିଲେ ମନର ବଳ
ଦିଗୁଣ ଯାଏ ଵଢି
ତା ପାଇଁ ଧାଏଁ ମନପବନ
ଘୋଡାରେ ମୁଁଯେ ଚଢି ||

ନୂଆ କଲମ ବଜାରୁ ଆଣି
ଦେଲେତ ଦିନେ ଵାପା
ହଜାଇଦେଵୁ ନାହଁ କଲମ
ହସି କହିଲା ଅପା ||

ରଖିଲି ପାଖେ ସେଇ କଲମ
ସାଇତି ପିଲାଵେଳୁ
ହେଲିତ ଦିନେ କବି ଲେଖକ
ବାଲିରେ ଖେଳୁ ଖେଳୁ ||

∎
କୁଞ୍ଜର -ସଙ୍ଗଳାଇ
ପିପିଲି -ପୁରୀ
ମୋବାଇଲ -୯୬୬୮୮୨୨୧୯୦