ହଜାଇବି ଦୁଃଖ ମୋର

ଲେଖା : ପ୍ରଶାନ୍ତ କୁମାର ଦାଶ

ହସିଵି ଖେଳିବି ନାଚିଵି ଗାଇଵି ଜୀଵନର ଦୁଃଖ ଭୁଲି
ଆଗାମୀର ଆଶା ମୁଖେ ମିଠାଭାଷା
ଗରଵେ ଉଠିବି ଫୁଲି ||

ଦେଖେ ଆଖି ମୋର ସଵୁଜ ସୁନ୍ଦର
ଗଛ ଲତା ପରିଵେଶ
ସଵୁଠୁ ସୁନ୍ଦର ଗାଆଁ ଭୂଇଁ ମୋର
ଜିଲ୍ଲା ଓ ରାଇଜ ଦେଶ ||

ମୋ ଆଖିରେ ଭରା ଆଖିଏ ସପନ
ନାଚିଉଠେ ଏଇ ମନ
ତୁଟିଚି ଅନ୍ଧାର ପଡିଛି ଜୋଛନା
ଉଇଁଚି ଆକାଶେ ଜହ୍ନ ||

ଜାଣେନାହିଁ ମୁହଁ କିଏ ସାତପର
କିଏବି ନିଜର ମୋର
ଧରଣୀ ଛାତିରେ ଗଢାତ ଗୋଟିଏ
ସରଗୁ ସୁନ୍ଦର୍ ଘର ||

ଦେଖେ ପ୍ରଜାପତି ଭଲପାଏ ଅତି
ଫୁଲକୁ କରଇ ଗେଲ
ବାସନା ବିତରେ ଗଛଡ଼ାଳେ ଝୁଲି
ନିତି ନିରିମାଖି ଫୁଲ ||

ବାପା ମାଆ ଭାଇ ଭଉଣୀ କରନ୍ତି
ସେନେହ ଆଦର ଗେଲ
କୋଳରେ ଵସାଇ ମତେ ଅଜା ଆଈ
କାହାଣୀ କହନ୍ତି ଭଲ ||

ଵିଧାତାଙ୍କ ହାତ ଗଢା କଣ୍ଢେଇ ମୁଁ
ଲାଗିବ କାମରେ ସଦା
ପାଇବାକୁ ସୁଖ ହଜାଇବି ଦୁଃଖ
ସହିବି ବିପଦ ବାଧା ||