କିଏ ବା ପାରିବ କଳି ତୁମ କରୁଣା

ଲେଖା : ଅନନ୍ତ କୁମାର ସେନାପତି

ଝରଣା କୁ ଶିଖାଇଲ ବହିବା ପାଇଁ
କୁଳୁକୁଳୁ ଶବଦରେ ନିତି ଝରଇ ।

ସୂରୁଜ ଦେହରେ ଦେଲ ଆଲୋକ ଭରି
ଧରଣୀ କୋଳରେ ଆସି ପଡଇ ଝରି ।

ପକ୍ଷୀଙ୍କ କଣ୍ଠରୁ ଶୁଭେ ମଧୁର ସ୍ୱର
ଲାଗେ ସତେ ଉଭା ଅଛି ସରଗପୁର ।

ନାନା ରଙ୍ଗେ ସଜାଇଲ ଫୁଲ ପାଖୁଡା
ପରଜାପତି ର ମନେ ସପନ ଭରା ।

କୋଟି କୋଟି ତାରା ରହି ନୀଳ ଆକାଶେ
ଦିବ୍ୟ ଜ୍ୟୋତି ପ୍ରକାଶନ୍ତି ତୁମ ଆଶିଷେ ।

କେବେ ଦିନ କେବେ ରାତି କେବେ ବରଷା
ଶୀତ କାକର ରୂପରେ ହୁଅ ଭରସା ।

ମୋ ମନରେ ଭରିଦିଅ ଜ୍ଞାନ ଆଲୋକ
ସେଇ ଆଲୋକେ ଚାଲିବି ଜୀବନଯାକ ।

ଜଳ, ସ୍ଥଳ, ଆକାଶରେ, ସୂରୁଜ ଦେହେ
ଫୁଲ ପାଖୁଡ଼ାରେ ତୁମ ମହକ ବହେ ।

କିଏ ବା ପାରିବ କଳି ତୁମ କରୁଣା
ତୁମ ବିନା କିଛି ନାହିଁ ଜଗତେ ଜଣା ।
∎
ବାଣ୍ଠୁପଡା, ଗଙ୍ଗାନଗର, ୱାର୍ଡ 18
ରାଜଗାଙ୍ଗପୁର , ଜିଲ୍ଲା ସୁନ୍ଦରଗଡ଼
ଫୋନ 7008304225