ବିଷୁବ ସଂକରାନ୍ତି

ଲେଖା : କୁଞ୍ଜବିହାରୀ ସାହୁ

ବେଲ ରସରେ ସଜା ହୋଇଛି
କେଡ଼େ ସୁଆଦ ପଣା,
ପିଅରେ ପିଅ ସାଥୀ ହୋଇକି
କରନି ମନ ଊଣା । ୧

ହସଖୁସିରେ ପିଇଲେ ପଣା
ଘର ଭିତରେ ବସି,
ବୋଉ କହିଲା ସୁନାଟି ତୁମେ
ଯଆରେ ହସି ହସି । ୨

ଦେଖରେ ପିଲେ ଝାମୁ ଯାତରେ 
ଜଳଇ ରଡ଼ ନିଆଁ,
ଠାକୁରେ ଧ୍ୟାୟୀ ଦଣ୍ଡୁଆମାନେ
ନିଆଁରେ ହେଲେ ଠିଆ । ୩

ବାପା ମା ସାଥେ କୁନି ପିଲାଏ
ଧରିଲେ ନିଜ ହାତ,
ସାହି ମୁଣ୍ଡକୁ ସଅଳ ଯାଇ
ଦେଖିଲେ ଝାମୁ ଯାତ । ୪

ଦେଖରେ ପିଲେ ମନ୍ଦିର ଇଏ
ଅଛନ୍ତି ହନୁମାନ,
ତାଙ୍କରି ପରା ଜନମଦିନ
କରରେ ଜୟଗାନ । ୫

ମନ୍ଦିର ଯାଇ ଭକତି ଭରେ
ହନୁମାନଙ୍କ ପାଦେ,
ମୁଣ୍ଡିଆଟିଏ ମାରିଲେ ପିଲେ
ଗାଇଲେ ଶଙ୍ଖନାଦେ । ୬

ଏମିତି ଏଇ  ଖୁସି ପରବ
ବିଷୁବ ସଂକରାନ୍ତି,
ଓଡ଼ିଆଙ୍କର ନୂଆବରଷ
ଜାଗେ ଓଡ଼ିଆ ଜାତି । ୭

ପାତ୍ରପଡା, ଭୁବନେଶ୍ବର
୭୦୦୮୧ ୪୨୦୪୦