କବିତା

ମାଙ୍କଡ ବିଲେଇ ଲାଗିଲେ କଳି

ଲେଖା : ମନୋରମା ମିଶ୍ର

ମାଙ୍କଡ ବିଲେଇ ଲାଗିଲେ କଳି,
ଦୁହେଁ ଦେଉଥିଲେ ଦୁହିଁଙ୍କୁ ଗାଳି।

ବିଲେଇଟା ଠିଆ ଗଛର ତଳେ,
ମାଙ୍କଡ ଗଛର ତଳୁଆ ଡାଳେ।

ବିଲେଇ ଡେଉଁଛି ଲାଞ୍ଜକୁ ଛାଟି,
ମାଙ୍କଡଟା ଖିଙ୍କି କରୁଛି ପାଟି।

ହନୁମନ୍ତ ମୁହିଁ- କହେ ମାଙ୍କଡ,
ବାଘପରି ମୁହିଁ-ପୁଷିର ତୋଡ।

କଳିର କାରଣ ପଡୁନି ବୁଝା,
ଦେଖିଶୁଣି ସବୁ ନିଅନ୍ତି ମଜା।

ବିଲେଇକୁ ପଂଝେ ମତେଇଦେଲେ,
ମାଙ୍କଡକୁ ଦଳେ ଖତେଇହେଲେ।

କଳିଜାଗା ହେଲା ଭାରି ଗହଳି,
କଳିରେ ତ ଦୁହେଁ ଦୁହିଁଙ୍କୁ ବଳି।

ଏବେଳେ ବରଷା ଅଜାଡିଦେଲା,
ଦୁହିଁଙ୍କର କଳି ବିଗିଡିଗଲା।

ଦୁହେଁ ରହିଥିଲେ ଦୁହିଁଙ୍କୁ ଚାହିଁ,
କଳି ଭାବ ତାଙ୍କ ଗଲା ଉଭେଇ।
∎
ନୀଳାଦ୍ରିବିହାର
ଭୁବନେଶ୍ୱର-୨୧
ମୋ-୮୬୩୭୨୧୩୦୨୦