ନଉକା ମୁହିଁ

ଲେଖା : ଡଃ ସ୍ଵର୍ଣ୍ଣଲତା ତ୍ରିପାଠୀ

ନଉକା ମୁହିଁ ପାଣିରେ ଭାସେ
ଟାଣୁଆ କ।ଠେ ତିଆରି,
ନଦୀ ହ୍ରଦରେ ବୋହି ଜିନିଷ
ମଣିଷକୁ କରେ ପାରି ।
ମଝି ଅଂଶଟା ଓସାରିଆ ଯେ
ଶେଷ ଅଣଓସାରିଆ,
ଚଳାଇବା ଲୋକଟି ପର।
ନାମ ବହି "ନାଉରିଆ"।
ପୂରୁବ କାଳେ ମୋ ଦେହେ ବସି
ଦୂର ଦେଶକୁ ପାରି,
ଜାଭା ,ସୁମାତ୍ରା, ବୋର୍ଣ୍ଣିଓ କେତେ
ଦ୍ଵୀପେ ବାଣିଜ୍ୟ ସାରି ।
ଆଜି କାଲିକା ବିଜ୍ଞାନ ଯୁଗେ
ମଣିଷ ଯନ୍ତ୍ର ସାଜି,
ବୋଟ୍,ଜାହାଜ,ମୋଟର ଲଞ୍ଚ,
ଘଡିକେ ଘୋଡ଼ା ଛୁଟି।
ହଜାର ହଜାର ମାଇଲ ଯାତ୍ରା
କରୁଛୁ ନିମିଷକେ,
ହେଲେ ବି ମୋତେ ଭାରି ଆଦର
ମଣିଷ ନଜର ରଖେ ।
ଛୋଟ ହେଲେ ବି ସବୁଦିନିଆଁ
କର୍ତ୍ତବ୍ୟ କରି ଚାଲ,
ନଉକା ପରି ବସୁଧା ସହି
ସହିବା ଗୁଣ ଭଲ ।
∎
ଅବସର ପ୍ରାପ୍ତ ମଣ୍ଡଳ ସହ ଶିକ୍ଷାଧିକାରୀ, ପୁରୀ ସଦର ବ୍ଲକ୍, ପୁରୀ, କୋଣାର୍କ ।