କବିତା

ଆମ ଗାଁ ଖରା

ଲେଖା : ଉମାକାନ୍ତ ବେହେରା

ଆମ ଗାଁ ଖରା ଦେଖାଏ ନଖରା
ରାତି ପାହୁ ପାହୁ ଆସୁଛି
ଦିନ ସାରା ଏଠି ଖେଳା ବୁଲାକରି
ସଞ୍ଜ ନ ହେଉଣୁ ଯାଉଛି l

ଗାଁ ରେ ତ ଆଉ ଚାଳଘର ନାହିଁ
ନାହିଁ ଆଟୁ ନାହିଁ ଢାଗୁଆ
ପାଚେରୀ ଉପରେ ମାଡିବା ପାଇଁକି
ଅପରାଜିତା କୁ ଅଡୁଆ l

ଧୂଳି ଦାଣ୍ଡ ନାହିଁ କୁଞ୍ଚ କୁଞ୍ଚିକିଆ
ଖେଳି ବାକୁ ଆଉ ମିଳେନା
ଆବଡା ଖାବଡା କଂକିରିଟି ବାଟ
ପାଦକୁ ଦିଅଇ ଯାତନା l

ଦୂରରୁ ଦେଖିଲେ ବଗିଚା ପରିକା
ଦିଶୁଥିଲା ମୋ ଗାଆଁଟି
ଗଛ ବୃଛ ନାହିଁ ସେଇ ଗାଁ ଆଜି
ଲାଗୁଅଛି ଖାଆଁ ଖାଆଁ ଟି l

ଗାଁ ମୁଣ୍ଡେ ଥିଲା କଇଁ ପୋଖରୀଟା
କାତ ପାଏନାହିଁ ପାଣିକୁ
ପୋତା ପୋଖରୀକୁ କିଏ କାହିଁ ଯିବ
ଅଧାପାଣି ଅଧା ପଂକକୁ l

ଗାଆଁ ପରିବେଶ ଭାରି ସୁହାଉଛି
ବାଇଶାଖ ତାତି ମାତୁଛି,
ଟାଇଁ ଟାଇଁ ଖରା ଝାଇଁ ମାରିଦିଏ
ବାହାରେ କି ନିଆଁ ଜଳୁଛି l

ଚାଲ ଗାଆଁ ପିଲା ଏକାଠି ହୋଇବା
ପରିବେଶ ଦେବା ସଜାଡି,
ପରିବେଶ ଯଦି ବିଗିଡି ଯିବରେ
ଆମେ ସବୁ ଯିବା ଉଜୁଡି l
∎
ସ୍ବପ୍ନସ୍ମୃତି, ଶ୍ରୀହରି ବିହାର, ଗହ୍ମାରିଆ
କେନ୍ଦୁଝରଗଡ଼
୯୩୪୮୫୧୬୦୦୧