ଖରା ଦିନରେ ମିତ

ଲେଖା : ତପନ କୁମାର ସ୍ୱାଇଁ

ସୁଲୁ ସୁଲୁଆ ପବନ ଟିକେ
ଦେହକୁ ଛୁଇଁ ଯାଆ,
ପିଇ ହେଉନି ଖରା ଦିନରେ
ଗରମ କଫି,ଚାହା ।

ମନ ଚାହୁଁଛି ଶୀତଳ ଜଳ
ପଣା,ସର୍ବତ,ଲସି ,
ହେଉ ପଛକେ ତିନି ଦିନର
ଦହି ପଖାଳ ବାସି ।

ଖରା ବେଳରେ ଗଛର ଛାଇ
ମୁଣ୍ଡରେ ଓଦା କନା,
ସୂରୁଯ ତେଜ ବଢିଲେ ଆଉ
ବାହାରେ ଯିବା ମନା ।

ଗଛରେ ନାହିଁ କାଉ,କୋଇଲି
ଶୁଭୁନି କା`ର ଡାକ,
ଦାଣ୍ଡରେ ବାଲି ତାତି ଫୁଟୁଛି
ପଶୁନି କେହି ପାଖ ।

ଖରା ଦିନରେ ବରଷା ନାହିଁ
ନାହିଁ ବି ଥଣ୍ଡା ଶୀତ,
ସୁଲୁସୁଲୁଆ ପବନ ଆ`ରେ
ହୋଇଯା` ଆମ ମିତ ।

ଅଇବିଲି,ତିର୍ତ୍ତୋଲ, ଜଗତସିଂହପୁର
ମୋ – ୯୦୪୦୦୩୩୩୯୦