ଗଛ ଜୀବନ ଧନ

ଲେଖା : ଦୀନବନ୍ଧୁ କର

ଗଛ ଆମର ମିତରେ ଭାଇ
ଗଛ ଆମର ମିତ,
ତାହାରି ପାଇଁ ବରଷା ଝରେ
ହୁଏ ସବୁରି ହିତ ।
ଅଦରକାରୀ ଅଙ୍ଗାରକାମ୍ଳ
ବାୟୁମଣ୍ଡଳୁ ନିଏ,
ହସିହସିକା ଅମଳଜାନ
ସଦା ଆମକୁ ଦିଏ ।
ଅଙ୍ଗୁର, ସେଓ, ଆମ୍ବ, ପଣସ
ଦିଅଇ କେତେ ଫଳ
ପନିପରିବା ଶାଗ ପତର
ଖାଇଲେ ହୁଏ ବଳ ।
ଗଛରୁ ବହୁ ଔଷଧ ହୁଏ
ରୋଗ ହୁଅଇ ଦୂର
ଦେହ ଆମର ଭଲ ରହିଲେ
ଧରା ସରଗ ପୁର ।
ଏଇ ଜୀବନ ଗଛର ଦାନ
ନକର ତାକୁ ପର
ଖାଇବା ଦିଏ ନପାଇବା ଦିଏ
ରହିବା ପାଇଁ ଘର ।
ଦାରୁଦେବତା ଶ୍ରୀ ଜଗନ୍ନାଥ
ସବୁଠୁ ବଡ ଯିଏ
ଭକତି ବିନା ଏଇ ଜଗତେ
ବୁଝିବ ତାଙ୍କୁ କିଏ?
ଶପଥ ନେବା ଆସରେ ମୋର
କୁନି ଭଉଣୀ ଭାଇ
ଗଛ ଲଗାଇ ଯତନ ନେବା
ହେଳା କରିବା ନାହିଁ ।
ଗଛ ବଞ୍ଚିଲେ ହସିବ ଧରା
ଗଛ ଜୀବନ ଧନ,
ଗୋଟିଏ ଗଛ ସୁପୁତ୍ର ଏକ
କହନ୍ତି ସାଧୁ ଜନ ।
∎ ନିଳାଦେଈପୁର, ଧର୍ମଶାଳା, ଯାଜପୁର