ଗଣିତ କୁହୁକ : ପ୍ରଶ୍ନ -୫

ଗୋଟିଏ ପଡିଆରେ କିଛି ପାରା ଆଉ କିଛି ବଣି ବସିଥିଲେ । ଖୁଣ୍ଟିଖୁଣ୍ଟି ଦାନା ଖାଉଥିଲେ । ପାରାଙ୍କ ସଂଖ୍ୟା ବଣି ସଂଖ୍ୟା ଠାରୁ ୫ ଅଧିକ ଥିଲା । ଏତିକି ବେଳେ ଗୋଟିଏ ଶିକାରୀ ଆସି ସେମାନଙ୍କ ଉପରକୁ ଗୁଳି ଚଳାଇଲା। ଗୁଳିରେ ୭ଟି ପକ୍ଷୀ ମରିଗଲେ । ଅବଶିଷ୍ଟ ପକ୍ଷୀ ଉଡି ଚାଲିଗଲେ । ପରଦିନ ସେହି ପକ୍ଷୀମାନେ ଫେରିଆସି ପଡିଆରେ ବସିଥିଲେ । ସେମାନଙ୍କୁ ଗଣତି କରିବାରୁ ଜଣା ପଡିଲା ଯେ, ପାରା ସଂଖ୍ୟା ପୂର୍ବ ଦିନର ସଂଖ୍ଯାର ଆଠ ଭାଗରୁ ସାତ ଭାଗ ଥିଲା । ସେହିପରି ବଣିଙ୍କ ସଂଖ୍ୟା ପୂର୍ବ ଦିନ ସଂଖ୍ଯାର ନଅ ଭାଗରୁ ଆଠ ଭାଗ ଥିଲା । ଏବେ ପ୍ରଶ୍ନଟି ହେଲା ପ୍ରଥମ ଦିନ କେତୋଟି ପାରା ଆଉ କେତୋଟି ବଣି ପଡିଆରେ ବସିଥିଲେ?
∎ ଉତ୍ତର – ପାରାଙ୍କ ସଂଖ୍ୟା – ୩୨ ଓ ବଣିଙ୍କ ସଂଖ୍ୟା -୨୭ ଥିଲା । ମୋଟ ସଂଖ୍ୟା – ୫୯ ସେଥିରୁ ସାତଟି ମରିଗଲା ପରେ ସେମାନଙ୍କ ସଂଖ୍ୟା ହେଲା ୫୨ । ପରଦିନ ପାରା ଆସିଲେ ୨୮ ଓ ବାଣି ଆସିଲେ ୨୪ ।
ଠିକ ଉତ୍ତର ଦେଇଛନ୍ତି :
∎ଦିବ୍ୟାନ୍ଶ ମହାନ୍ତି, ଭୁବନେଶ୍ବର ଗଣିତ କୁହୁକ : ପ୍ରଶ୍ନ -୬

ଉତ୍ତର ପଠାଇବାର ଠିକଣା - shishukishora@gmail.com. ନିଜର ଡାକ ଠିକଣା (ପିନ କୋଡ ସହିତ) ଏବଂ ଫୋନ ନମ୍ବର ବି ଲେଖନ୍ତୁ ।

ଗଣିତ କୁହୁକ: ପ୍ରଶ୍ନ -୪

ରାମ, ଶ୍ଯାମ ଓ ଦାମ ତିନି ଭାଇ । ସେମାନଙ୍କ ବୟସ ମଧ୍ୟରେ ବଯସର ଅନ୍ତର ମାତ୍ର ତିନି ବର୍ଷ । ଅର୍ଥାତ ରାମ ଶ୍ଯାମ ଠାରୁ ତିନି ବର୍ଷ ବଡ ଓ ଶ୍ଯାମ ଦାମ ଠାରୁ ତିନି ବର୍ଷ ବଡ । ଏବେ ସେମାନଙ୍କର ତିନିଜଣଙ୍କର ବୟସ ମିଶି ଯେତେ, ଏକୋଇଶ ବର୍ଷ ପରେ ତାହା ହେବ ଦୁଇଗୁଣ । ଏବେ କୁହ ରାମ, ଶ୍ଯାମ ଓ ଦାମଙ୍କର ବୟସ କେତେ?
∎ ଉତ୍ତର – ରାମର ବୟସ -୨୪ ବର୍ଷ, ଶ୍ଯାମର ବୟସ -୨୧ ବର୍ଷ ଓ ଦାମର ବୟସ -୧୮ ବର୍ଷ
ଏବେ ସେମାନଙ୍କ ବୟସ ମିଶି -୬୩ । ୨୧ ବର୍ଷ ପରେ ସେମାନଙ୍କ ବୟସ ହେବ ଯଥାକ୍ରମେ ୪୫, ୪୨, ୩୯ ଓ ସେମାନଙ୍କ ବୟସ ମିଶି ହେବ ୧୨୬
କେହି ଠିକ ଉତ୍ତର ଦେଇ ପାରିନାହାନ୍ତି

ଉତ୍ତର ପଠାଇବାର ଠିକଣା - shishukishora@gmail.com. ନିଜର ଡାକ ଠିକଣା (ପିନ କୋଡ ସହିତ) ଏବଂ ଫୋନ ନମ୍ବର ବି ଲେଖନ୍ତୁ ।

ଗଣିତ କୁହୁକ : ପ୍ରଶ୍ନ -୩

ବାବୁଲା ତାର ସାଙ୍ଗମାନଙ୍କୁ ନେଇ ତୋଟାକୁ ଯାଇଥିଲା । ତୋଟାରେ ସେମାନେ ଆମ୍ବ ପାଚି ଥିବାର ଦେଖିଲେ । ସାଙ୍ଗମାନେ କହିଲେ, ଆମେ ଆମ୍ବ ଖାଇବୁ। ବାବୁଲା କହିଲା, ହଉ । ସେ ଆମ୍ବ ଗଛରେ ଚଢିଲା । ଜଣକୁ ତିନୋଟି ଲେଖାଏଁ ହିସାବରେ ଆମ୍ବ ତୋଳିଲା । ସେ ଗଛରୁ ତଳକୁ ଓଲ୍ହାଇବାକୁ ଯାଉଛି, ଦେଖିଲା ଆଉ ଦୁଇଜଣ ସାଙ୍ଗ ଆସି ଗଲେଣି । ସେ ଦେଖିଲା, ତୋଳିଥିବା ଆମ୍ବଗୁଡିକ ସାଙ୍ଗମାନଙ୍କ ଭିତରେ ସମାନ ଭାବରେ ବାନ୍ଟି ହେବ ନାହିଁ । ତେଣୁ ସେ ଆଉ ଗୋଟିଏ ଆମ୍ବ ତୋଳିଲା ଓ ଏବେ ତାହା ସମାନ ଭାବରେ ସାଙ୍ଗମାନଙ୍କ ଭିତରେ ବାନ୍ଟି ହେଉଥିଲା । ଏବେ ପ୍ରଶ୍ନଟି ହେଉଛି ସେମାନେ ପ୍ରଥମେ କେତେଜଣ ସାଙ୍ଗ ତୋଟା ବୁଲିବାକୁ ଯାଇଥିଲେ ?
∎ ଉତ୍ତର – ୩ ଜଣ
ଠିକ ଉତ୍ତର ଦେଇଛନ୍ତି :
∎ଦିବ୍ୟାନ୍ଶ ମହାନ୍ତି, ଭୁବନେଶ୍ବର

ଉତ୍ତର ପଠାଇବାର ଠିକଣା - shishukishora@gmail.com. ନିଜର ଡାକ ଠିକଣା (ପିନ କୋଡ ସହିତ) ଏବଂ ଫୋନ ନମ୍ବର ବି ଲେଖନ୍ତୁ ।

ଗଣିତ କୁହୁକ : ପ୍ରଶ୍ନ -୨

ଜଣେ ସ୍କୁଲ ପରିଦର୍ଶକ ପରୀକ୍ଷା କେନ୍ଦ୍ର ପରିଦର୍ଶନରେ ଗଲେ । ପରୀକ୍ଷା ହଲ ଗୁଡିକ ଯଦିଓ ଗୋଟିଏ କ୍ୟାମ୍ପସ ଭିତରେ ଥିଲା, ସେଗୁଡିକ ପରସ୍ପରଠାରୁ କୋଡିଏ ଫୁଟ ଦୂରତାରେ ଥିଲା । ପ୍ରଥମ ନମ୍ବର ପରୀକ୍ଷା ହଲରୁ ବାହାରି ତିରିଶ ନମ୍ବର ପରୀକ୍ଷା ହଲ ପାଖରେ ପହଞ୍ଚିବାକୁ ତାଙ୍କୁ ୫୮ ମିନିଟ ଲାଗିଲା । ଷାଠିଏ ନମ୍ବର ପରୀକ୍ଷା ହଲ ନିକଟରେ ପହଞ୍ଚିବାକୁ ତାଙ୍କୁ କେତେ ସମୟ ଲାଗିବ?
∎
ଉତ୍ତର – ୧୧୮ ମିନିଟ ବା ଏକ ଘଣ୍ଟା ଅଠାବନ ମିନିଟ

ଠିକ ଉତ୍ତର ଦେଇଛନ୍ତି :
∎ଦିବ୍ୟାନ୍ଶ ମହାନ୍ତି, ଭୁବନେଶ୍ବର