ଶଙ୍ଖି ବିଲେଇର ବାହାଘର
ଚତୁର୍ଭୁଜ ପହି
ନଭେମ୍ବର: ୨୦୨୬
Canonical: https://shishukishora.com/editions/2026-11/article-07.html

ଅଗଡ ବଗଡ ଶଗଡ ଗାଡି

ଆଗକୁ ଆଗକୁ ଯାଉଛି ମାଡି

ବହୂ ସାଜିଯାଏ ଶଂଖି ବିଲେଇ

ବସିଛି ତା ବର ନିଶ ଫୁଲେଇ

ବାଜିବ ବାଜା

ବାହାଘର ପାଇଁ  ବଣ ମୂଲକ ଯେ

ହୋଇଛି ସଜା।।,,,,,,,

କୁକୁର ନେଉଛି ବୁକୁଚା ବୋହି

ଠେକୁଆ ନାଚୁଛି ତୂରୀ ବଜାଇ

ମନ୍ତର ପଢୁଛି ଟିକି ଚଢ଼େଇ

ହାତୀ ନିଏ ଆଗ ବାଟ କଢ଼େଇ

ବଣର ରାଜା

କୁହାଟ ମାରୁଛି  କିଏ କାହିଁ ଅଛ

ଆସ ମୋ ପ୍ରଜା।।,,,,,,,,

ପରଷି ଦେଉଛି ଗଧିଆ ଭାଇ

ଯିଏ ଯାହା ମନ ଖାଉଛି ନେଇ

ବରଯାତିରୀ ଙ୍କୁ ଗୋଟିଏ କରି

କନିଆଁ ର ପିତା ହାତରେ ଧରି

ଦେଉଛି ଗଛ

ଲଗାଇ ବଞ୍ଚାଇ  ଜୀବନ ଗଢିବା

ନକରି ପଛ।।,,,,,