ଜେଜେ ବାପା
ବୃନ୍ଦାବନ କୁମ୍ଭାର
ନଭେମ୍ବର: ୨୦୨୬
Canonical: https://shishukishora.com/editions/2026-11/article-11.html

ଗାଆଁରେ ଆମର ପୁରୁଣା ଘର

ଘର ମଝିଟାରେ ମାଟି ଦୁଆର

ନିତି ଲିପାପୋଛା ଗୋବର ଢାଳି

ଫୁଲଗଛେ ଫୁଲ ଭଳିକିଭଳି

ଚଉରାରେ କଳା ତୁଳସୀ ଗଛ

ଦୁଆର ପାଚେରୀ ମଣିଷେ ଉଚ୍ଚ।



ଜେଜେବାପା ନିତି ସକାଳୁ ଉଠି

ପ୍ରାର୍ଥନା କରନ୍ତି ବସି ସେଇଠି

ସୂରୁଜ ଉଇଁଲେ ପୂରୁବ ଦିଗେ

ଜୁହାର କରନ୍ତି ଉଠିଣ ଆଗେ

ତାପରେ ଖବର କାଗଜ ପଢି

ଦେଶ ଦୁନିଆକୁ ଯାଆନ୍ତି ମାଡ଼ି।



କେବେ ଗଲେ ଗାଆଁ ବଜାର ବୁଲି

ଚଣାଭଜା ମୁଢ଼ିମୁଆଁ ପିଜୁଳି

ଆଣନ୍ତି ଘରକୁ ଡାକନ୍ତି ମୋତେ

ଖୁଆଇ ଦିଅନ୍ତି ଆପଣା ହାତେ

ଶରଧା ସାଙ୍ଗକୁ କଡ଼ା ଶାସନ

ଜେଜେବାପା ଜାଣିଛନ୍ତି ଏସନ।



ବାପା ମାଆ ଜେଜେମା ଭଉଣୀ

ଖାଇବା ପିଇବା ଓଷଦ ପାଣି

ଜେଜେବାପାଙ୍କର ବୁଝନ୍ତି ନିତି

ସନମାନ ସହ କରନ୍ତି ଭକ୍ତି

ସିଏ ପରା ଜେଜେବାପା ଠାକୁର

ତାଙ୍କରି ଆଶିଷେ ଘର ସୁନ୍ଦର।