ଭଲ ମନଟିଏ
ଦୀନବନ୍ଧୁ ପୋଇ
ନଭେମ୍ବର: ୨୦୨୬
Canonical: https://shishukishora.com/editions/2026-11/article-24.html

ଭଲ ମନଟିଏ ଦିଅ ଆହେ ପ୍ରଭୁ

           ଏତିକି ମୋହର ଅଳି

କାହାମନେ କେବେ ଦୁଃଖ ଦେବି ନାହିଁ

         କରିବିନି କେବେ କଳି |

ପର ଦୋଷ ନିନ୍ଦା ମନେ ନଭାବିବି

          ଦେଖିବି ତା ଭଲ ଗୁଣ

ଦୁଃଖିର ଦୁଃଖରେ ସହଭାଗୀ ପାଇଁ

           ମନରେ ରଖିବି ପଣ ।

ମଧୁମକ୍ଷୀକାଟି ଅତି କ୍ଷୁଦ୍ର ହୋଇ

        ଉପକାର କରେ କେତେ ?

କରିକି ପାରିବି ନାହିଁ ତାପରି

               ଦିଅ ଭଲ ମନ ମୋତେ ।

ଗଛଟିଏ ଯଦି ଛାଇ ଦେଇ କରି

           ପଥିକକୁ  ଶାନ୍ତ କରେ

ନର ହୋଇ କଣ ତାହାଠାରୁ ହୀନ

           ପାରିବି ନାହିଁ କି ଥରେ ।

ତାଡ଼ାଳରୁ ପତ୍ର ଛିଣ୍ତାଇକି କେବେ

             ତଳେ ପକାଇବି ନାହିଁ

ସେବା ଦେବା ପାଇଁ ଦୁଃଖିର ଖେଦରେ

              ତାପରି ରହିବି ଚାହିଁ ।

ଦେଇଛ ହେ ପ୍ରଭୁ ବିଦ୍ୟା ବୁଦ୍ଧି କେତେ

              ଲଗାଇବି ତାକୁ କାମେ

କର ହେ ସୁଦୟା  ହେ ଦୀନବାନ୍ଧବ

              ଯଶ ଉଡ଼ୁ ତୁମ ନାମେ ।