ଆମେ ଶିଶୁ, ଆମେ ସପନ ରାଇଜେ ଭାସୁ
ଡ. ସନାତନ ପଣ୍ଡା
ନଭେମ୍ବର: ୨୦୨୬
Canonical: https://shishukishora.com/editions/2026-11/article-25.html

ଆମେ ଶିଶୁ 

ସପନ ରାଇଜେ ଭାସୁ 

ଆମ ଟିକି ମନ ବିଶାଳ ଗଗନ 

ଆଖିରେ ଆମର ଆଖିଏ  ସପନ 

ନାଚିବୁ ଗାଇବୁ ଖେଳିବୁ ଉଡ଼ିବୁ 

ଜହ୍ନ ତାରା ପରି ଆମେ ଝଟକିବୁ

ଯେତେ ପଛେ ଝଡ଼ ଆସୁ ||



ଦେଖିବୁ ଶିଖିବୁ ଭାଙ୍ଗିବୁ ଗଢ଼ିବୁ 

ପଡ଼ିବୁ ବଢ଼ିବୁ ଆଗକୁ ମାଡ଼ିବୁ 

ଆଶା ଅସୁମାରୀ ଦିଶା ଅସୁମାରୀ 

ପରିରାଇଜର କଳ୍ପନା ଆମରି 

ଆମେ ଟିକି ଫୁଲ ମୂଲ ଯା ଅମୂଲ 

ଚଉ ଦିଗେ ଆମେ ବାସୁ  ||



ହସରେ ଆମର ମୁକୁତାର ଝର 

ଖୋଜୁଟିକେ ଆମେ ସେନେହ ଆଦର )

ଆମେ ସ୍ବାଭିମାନୀ ନାହିଁ ଡର ଦ୍ଭୟ 

ସେବାରେ ଜିଣିବୁ ସବୁରି ହୃଦୟ 

ପ୍ରତିଭାରେ ଧରା କରିବୁ ସରଗ 

ହଟାଇବୁ ଦୁଃଖ ଦେଶୁ ||