ନଭେମ୍ବର ଚଉଦ
ଧ୍ରୁବ ଚରଣ ଘିବେଲା
ନଭେମ୍ବର: ୨୦୨୬
Canonical: https://shishukishora.com/editions/2026-11/article-27.html

ଶିଶୁଙ୍କ ପାଇଁ କି ପାଳନୀୟ ତିଥି 

ବରଷରେ କେଇ ଦିନ 

ସେ ଦିନ ଭିତରୁ ଗୋଟିଏ ଦିବସ 

ନେହେରୁଙ୍କ ଜନ୍ମଦିନ I 

ନଭେମ୍ବର ମାସ ସେଇ ତାରିଖଟି 

ଅଟଇ ପୁଣ୍ୟ ଚଉଦ 

ଚଉଦେ ଜନମି ଥିଲେ ସେ ନେହେରୁ 

ଦେଶ ଜାତି ବରପୁତ୍ର I 

ପ୍ରଧାନମନ୍ତିରୀ ଥାଇ କି ନେହେରୁ 

ଅତି ଶିଶୁପ୍ରିୟ ଥିଲେ 

ସମୟ ଦେଖିକି ନିଜେ ସିଏ ଆସି 

ଶିଶୁ ମେଳେ ରହୁଥିଲେ I 

ଶିଶୁଙ୍କ କତିରେ ଶିଶୁଙ୍କ ସାଥିରେ 

ରହୁଥିଲେ ବହୁ ବେଳ 

ହସ ଓ ଖୁସିରେ ଶିଶୁଙ୍କ ମେଳରେ

ବିତୁଥିଲା (ତାଙ୍କ) ବେଳ କାଳ I 

ଦେଶ ଓ ଦଶର ଭବିଷ୍ୟତ ଶିଶୁ 

ତାଙ୍କ ହସ ଓ ଖୁସିରେ 

ନିଜକୁ ସାମିଲ କରି କେତେ ଖୁସି 

ନେହେରୁ ସାଉଁଟୁଥିଲେ I 

ନେହେରୁଙ୍କର ସେ ଶୁଭ ଜନ୍ମଦିନ 

ଶିଶୁଦିବସରେ ଗଣା 

ଶିଶୁଙ୍କ ପାଇଁକି ଉତ୍ସର୍ଗୀକୃତ 

ଦିବସଟି ଜଣାଶୁଣା I 

ଶିଶୁଙ୍କ ବିବିଧ ଗୁଣର ବିକାଶ 

ପାଇଁ ହୁଏ ପ୍ରତିଯୋଗିତା 

ଶିଶୁଙ୍କଠି ଲୁଚି ରହିଥିବା କୃତି 

ସଫଳତା ବାଢ଼େ ଦକ୍ଷତା I 

ବ୍ଲକଠାରୁ ଜିଲ୍ଲା ରାଇଜ ପର୍ଯ୍ୟନ୍ତ 

ହୋଇଥାଏ ପ୍ରତିଯୋଗିତା 

କୃତୀ ଶିଶୁ ଗଣ ଗୁଣ ପ୍ରଦର୍ଶନ 

କରି ପାନ୍ତି ସଫଳତା I 

ଶିଶୁମାନଙ୍କର ଶିଶୁଙ୍କ ପାଇଁ କି 

ଶିଶୁଦିବସ ଉଦ୍ଦିଷ୍ଟ 

କେତେ କେତେ ଶିଶୁ ଦ୍ୱାରା ପ୍ରଦର୍ଶିତ

ହୁଏ କେତେ ନାଚ ଗୀତ I 

ସଭାସମିତିର ହୁଏ ଆୟୋଜନ 

ସେଇ ଶିଶୁଦିବସରେ 

କୃତୀ ଶିଶୁଗଣ ପୁରସ୍କାର ପା'ନ୍ତି 

ଶିଶୁଉତ୍ସବ ମେଳାରେ I