ଖାଉଛୁ  ଯେତେ ତୁ ଖାଆ
ଡକ୍ଟର  ଲଷ୍ମୀକାନ୍ତ ଖୁଣ୍ଟିଆ
ଅକ୍ଟୋବର: ୨୦୨୬
Canonical: https://shishukishora.com/shishu/article-765.html

ଆଷାଢ଼ମାସର  ସକାଳୁ ସକାଳୁ 

ଗାଆଁମୁଣ୍ଡ  ଆଡ଼େ ଗଲି 

ଜାମୁକୋଳିଗଛେ  ଭରି ଅଛି କୋଳି 

ଲୋଭରେ  ଅନାଇ ଦେଲି। 

ଗଛରେ  ବସିଛି ଆମ ସନାଭାଇ 

ଡାଳକୁ  ହଲାଇ ଦିଏ 

ଟପ୍ ଟାପ୍  ହୋଇ ଝଡ଼ିପଡ଼େ କୋଳି 

ସରାଗେ  ଗୋଟାଇ ନିଏ। 

ଘରକୁ ଆଣି  ମୁଁ ପାଣିରେ ଧୋଇଲି 

ଗୋଟିଗୋଟି  ଜାମୁକୋଳି 

ଖାଇଲି  ମଉଜେ ଟାକରା ଫୁଟାଇ 

ତା` ସାଥିରେ  ଲୁଣ ବୋଳି। 

ଖାଇ  ଜାମୁକୋଳି  ମୁଣ୍ଡେ ହାତ ବୋଳି 

କହିଲା ମୋ` ଜେଜୀମାଆ 

କାଲି ଆଉ  କିଛି ମୋ`ପାଇଁ  ଆଣିବୁ 

ଖାଉଛୁ  ଯେତେ ତୁ ଖାଆ। 

∎