ଡିଜେ ବାଜିବା ବନ୍ଦ ହେଉ
ଧନଞ୍ଜୟ ସ୍ୱାଇଁ
ଅକ୍ଟୋବର: ୨୦୨୬
Canonical: https://shishukishora.com/shishu/article-773.html

ମେଢ଼ କି ମଡ଼ା ଉଠେନି ଯଦି 

  ନ ବାଜେ ଡିଜେ ବାଜା 

  (ତାର )ଶ ବ ଦ ସୀମା ଟପି ଯାଆଇ ଆସଇ ଯେବେ ପୂଜା 

  ଆଇନ କରି ବସି ପଡିଲେ 

  କିଏ ମାନିବ କାଇଁ?

  ଆଇନ ସିନା ମାନିବେ ଲୋକେ 

  ଯାଞ୍ଚ କରିଲେ ଯାଇ 

  ମେଲୋଡି କଲେ ଡିଜେ ବାଜିଲେ 

  ବଢ଼ି ଯାଆଇ ଦୁଃଖ 

  ଶୋଇ ପାରନ୍ତି ନାହିଁ ଆମରି 

  ବୟସ୍କ ନାଗରିକ 

  ପଅଂଷଠିରୁ ଅଧିକ ତୀବ୍ର 

  ଡେସିବିଲର ଧ୍ବନି 

  କେତେ ଯେ ଧନଜୀବନ ଆମ 

  କରଇ ସିଏ ହାନି 

  ସ୍ନାୟୁ ଦୁର୍ବଳ ମନର ଚାପ 

  ବଢାଏ ପ୍ରଦୂଷଣ 

  ମୁଣ୍ଡ ବିନ୍ଧଇ ନିଦ ଭାଙ୍ଗଇ 

  ପ୍ରତି କ୍ଷଣକୁ କ୍ଷଣ 

  ଶ ବ ଦ ପ୍ରଦୂଷଣ ଏବେ ତା 

  ନିୟନ୍ତ୍ରଣରେ ନାହିଁ 

  ତା ଲାଗି କେତେ ମରନ୍ତି ହୃଦ - 

  ରୋଗୀ ଯନ୍ତ୍ରଣା ପାଇ 

  ଡିଜେ ବାଜାକୁ ବନ୍ଦ କରି 

  ଆସ ପାଳିବା ପୂଜା 

  ଯୋଡି ମହୁରି, ନାଗରା ତୂରୀ 

  ବାଜିଲେ ହେବ ମଜା 

  କମେଇ ପ୍ରଦୂଷଣ ରଖିବା 

  ପରିବେଶକୁ ସୁସ୍ଥ 

  ହସିବେ ଶିଶୁ, ବୃଦ୍ଧ ଓ ରୁଗ୍ଣ 

  (ତାଙ୍କ )ଭଲ ରହିଲେ ସ୍ୱାସ୍ଥ୍ୟ!! 

∎ 

  ମୋ -9437000636