ଶରତ ଆମ ଶ୍ରଦ୍ଧାର ଋତୁ
ସୁଜିତ କୁମାର ମିଶ୍ର
ଅକ୍ଟୋବର: ୨୦୨୬
Canonical: https://shishukishora.com/shishu/article-776.html

ଶରତ ଆମ ଶ୍ରଦ୍ଧାର ଋତୁ 

  ଆସେ ବରଷା ପରେ,

  ନିର୍ମଳ ଶୋଭା ଦିଏ ସେ ଭରି 

  ସବୁଠି ମରତରେ  । 

ପର୍ବପର୍ବାଣୀ ଋତୁଟେ ସିଏ 

  ଖୁସି ଓ ଆନନ୍ଦର,

  ଗାଆଁ ସହର  ଦିଶେ ସୁନ୍ଦର 

  ଭୁଲି ଆପଣାପର  । 

ନଥାଏ ନଭେ କଳା ବଉଦ 

  ମେଘଖଣ୍ଡର ଦାଉ,

  ଶରତ ବାଣ୍ଟେ  ସ୍ନେହ ସରାଗେ 

  ଭାଇଚାରାର ମହୁ । 

ସଫାସୁତୁରା  ରହେ ସବୁଠି 

  ଆମରି ରାସ୍ତାଘାଟ,

  ମେଲାଇ ଥାଏ କାଶତଣ୍ଡୀ ତା 

  ଧବଳ ହସ ହାଟ । 

ଦେବୀ ଆସନ୍ତି ଆଶିଷ ନେଇ 

  ଦରଦୀ ହୃଦ ହୋଇ,

  ପାଟ ପୋଖରୀ  ଫୁଟେ ନିଇତି 

  ପଦୁଅଁ ଆଉ କଇଁ । 

ରାତି ପାହିଲେ ଘାସ ଗଛରେ 

  ଶିଶିର ଦେଖାଯାଏ,

  ହେମନ୍ତ ଶୀତ   ଆସୁଛି ବୋଲି 

  ଶରତ କହୁଥାଏ । 

ଶରତ ଋତୁ ଶୋଭାରାଜିରେ 

  ମୋହେ ସବୁରି ମନ,

  ସୁଖ ବାଣ୍ଟି ସେ ବିଦାୟ ନେଲେ 

  ହେମନ୍ତ ଆଗମନ । 

∎ 

  ଜନାର୍ଦ୍ଦନପୁର ଶାସନ 

  କେନ୍ଦୁଝର 

  ୭୬୮୩୮୬୭୭୪୨