ଅକଲ ମକଲ ଟକଲ ଟିଆଁ
ଲକ୍ଷ୍ମୀଧର ନାୟକ
ଅକ୍ଟୋବର: ୨୦୨୬
Canonical: https://shishukishora.com/shishu/article-779.html

ଅକଲ ମକଲ ଟକଲ ଟିଆଁ 

  ବେଙ୍ଗ ଛୁଆମାନେ ମାରନ୍ତି ଡିଆଁ । 

  ଟପ୍ ଟପ୍ ପଡ଼େ ବରଷା ପାଣି 

  ଖାଦ୍ୟ ପାଇଁ ଗଲା ବେଙ୍ଗୁଲି ରାଣୀ । 

  ମିଳିଲାନି ଖାଦ୍ୟ ବହୁତ ଖୋଜି 

  ଦେଖିଲା ହେଉଛି ବାଘର ଭୋଜି । 

  ପିଲାଙ୍କ ପାଇଁକି ମାଗିଲା ଯାଇ 

  ଭୋଜି ଦେଲା ମାମୁଁ ପିଲାଙ୍କ ପାଇଁ । 

  ଭୋଜିକୁ ଧରିକି ଆସିଲା ହସି 

  ସଭିଏଁ ଖାଇଲେ ଏକାଠି ବସି । 

  ଭୋଜି ଖାଇ ପିଲେ ହୋଇଲେ ଖୁସି 

  ସାରୁ ବୁଦା ମୂଳେ ବସିଲେ ଆସି । 

  ଗୀତ ଗାଉଥିଲେ ଖୁସିରେ ଛୁଆ 

  ଅକଲ ମକଲ ଟକଲ ଟିଆଁ । 

∎ 

  ବାଉଁଶିଆପଡା, ନୟାଗଡ଼ 

  ୮୨୭୦୩୭୨୪୯୮