ଘର
ହରପ୍ରିୟା ରାଉତରାୟ
ଅକ୍ଟୋବର: ୨୦୨୬
Canonical: https://shishukishora.com/shishu/article-782.html

ଘରଟି ମୋର   ଅତି ସୁନ୍ଦର 

  ସେଠାରୁ ପାଏ  ସ୍ନେହ ଆଦର 

  ଏଇଠି ଆମେ     ଏକାଠି ରହୁ 

  ବୋଉର ହାତ   ରାନ୍ଧଣା ଖାଉ 

  ଶିକ୍ଷା ଚଳଣୀ     ସେଇଠୁ ପାଏ 

  ଜେଜେମା ମୋତେ    ଗପ ଶୁଣାଏ 

  ବୋଉ ମୋହର     ପଢାଏ ପାଠ 

  ମନ୍ଦକାମରୁ     କରେ ଆକଟ 

  ଭାଇ ଭଉଣୀ      ସଭିଏଁ ମିଳି 

  ଖେଳୁ ଯେ ଆମେ   ନକରି କଳି 

  ସଞ୍ଜ ହୋଇଲେ      ପ୍ରାର୍ଥନା କରୁ 

  ଗୁରୁଜନଙ୍କୁ    ମୁଣ୍ଡିଆ ମାରୁ 

  ଖାତା କଲମ       ବାପା ଆଣନ୍ତି 

  ସାନବାପା ଯେ    ପାଠ ପଢନ୍ତି 

  ଏଇ ଘର ମୋ       ସରଗପୁର 

  ସେଇଠୁ ମିଳେ  କୋଟି ଆଦର 

∎ 

  ୯୪୩୭୫ ୨୨୭ ୯୨