ମୁଁ ଯେ କାଗଜ ଡଙ୍ଗା
ହଂସନାଥ ମୁଦୁଲି
ଅକ୍ଟୋବର: ୨୦୨୬
Canonical: https://shishukishora.com/shishu/article-789.html

ତୁମରି କୁନି ହାତ ତିଆରି 

  ମୁଁ ଯେ କାଗଜ ଡଙ୍ଗା 

  ଭସାଇଦିଅ ଗାଁ ଦାଣ୍ଡରେ 

  ପାଣି ଧାରକୁ ମନେ ଭାବିକି ଗଙ୍ଗା l(0)

ତୁମକୁ ଛାଡି ବହୁ ଦୂରକୁ 

  ଯିବି ମୁଁ ଭାସି ଭାସି 

  ତୁମ ପାଇଁକି ଜ୍ଞାନ ଭଣ୍ଡlର 

  ସନ୍ଧାନ କରି ଆସି 

  ପହଞ୍ଚିବି ଯିବି ତୁମ ପାଖରେ 

  ମୋ ସାଥେ ପ୍ରୀତି ଲଗା 

  ମୁଁ ଯେ କାଗଜ ଡଙ୍ଗା l (1)

ଦୂରକୁ ଗଲେ ମୋ ସାଥିରେ 

  ମନଟି ତୁମ ଥିବ 

  ମନ ନଈର ଦୁଇ କୂଳର 

  ସୌନ୍ଦର୍ଯ୍ୟ ଦେଖିନେବ 

  ଯୁଆଡେ ଯିବ ସେଇ ରାଇଜ 

  ପ୍ରେମରେ ହେବ ଭିଜା 

  ମୁଁ ଯେ କାଗଜ ଡଙ୍ଗା l (2)

∎ 

ଖଣ୍ଡଗିରି 

  ଭୁବନେଶ୍ବର- 751030

  ମୋ – 9777968719