ମାଙ୍କଡ ବିଲେଇ  ଲାଗିଲେ କଳି
ମନୋରମା ମିଶ୍ର
ଜୁନ	: ୨୦୨୬
Canonical: https://shishukishora.com/shishu/article_details-94eb6417ae.html

ମାଙ୍କଡ ବିଲେଇ  ଲାଗିଲେ କଳି,

  ଦୁହେଁ ଦେଉଥିଲେ  ଦୁହିଁଙ୍କୁ ଗାଳି। 

ବିଲେଇଟା ଠିଆ ଗଛର  ତଳେ,

  ମାଙ୍କଡ ଗଛର ତଳୁଆ  ଡାଳେ। 

ବିଲେଇ ଡେଉଁଛି  ଲାଞ୍ଜକୁ ଛାଟି,

  ମାଙ୍କଡଟା ଖିଙ୍କି  କରୁଛି ପାଟି। 

ହନୁମନ୍ତ ମୁହିଁ- କହେ  ମାଙ୍କଡ,

  ବାଘପରି ମୁହିଁ-ପୁଷିର  ତୋଡ। 

କଳିର କାରଣ ପଡୁନି  ବୁଝା,

  ଦେଖିଶୁଣି ସବୁ  ନିଅନ୍ତି ମଜା। 

ବିଲେଇକୁ ପଂଝେ  ମତେଇଦେଲେ,

  ମାଙ୍କଡକୁ ଦଳେ  ଖତେଇହେଲେ। 

କଳିଜାଗା ହେଲା ଭାରି  ଗହଳି,

  କଳିରେ ତ ଦୁହେଁ  ଦୁହିଁଙ୍କୁ ବଳି। 

ଏବେଳେ ବରଷା  ଅଜାଡିଦେଲା,

  ଦୁହିଁଙ୍କର କଳି  ବିଗିଡିଗଲା। 

ଦୁହେଁ ରହିଥିଲେ  ଦୁହିଁଙ୍କୁ ଚାହିଁ,

  କଳି ଭାବ ତାଙ୍କ ଗଲା  ଉଭେଇ। 

  ∎ 

  ନୀଳାଦ୍ରିବିହାର 

  ଭୁବନେଶ୍ୱର-୨୧ 

  ମୋ-୮୬୩୭୨୧୩୦୨୦