ସୁସ୍ଥ  ପରିବେଶ
କବିତାମିଶ୍ର
ଜୁନ	: ୨୦୨୬
Canonical: https://shishukishora.com/shishu/article_details-9f413c928f.html

ସକାଳ ହୋଇଲେ  ଟାଇଁ ଟାଇଁ ଖରା 

  ଆକାଶୁ ପଡୁଛି ଝରି 

  ଅସମ୍ଭାଳ ସବୁ  ଜୀବଜନ୍ତୁମାନେ 

  ଗଛଲତା ଯାଏ ମରି।। 

  ନଈନାଳ ସବୁ  ଶୁଖିଲା  ପଡିଛି 

  ବଢିବଢି ଯାଏ ତାପ 

  ପାଣି ଟୋପାଏ ପାଇଁ  ଡହଳବିକଳ 

  ହେଉଅଛି ଅଂଶୁଘାତ। ।ଶୀତଳ ପବନ ମୁକ୍ତ ଜଳବାୟୁ 

  କେଉଁଠାରେ  ମିଳୁନାହିଁ 

  ପରିବେଶ  ସୁସ୍ଥ   କିପରି ହୋଇବ 

  ଏ କଥା ଭାବନ୍ତି କେହି?

  ପଥପ୍ରାନ୍ତେ ଆଉ  ଗଛଟିଏ  ନାହିଁ 

  ଧାଡି ଧାଡି କୋଠାଘର 

  ଶୀତଳ ପବନ  ପାଇବା କେଉଁଠୁ 

  ସବୁଜିମା   ହେଲେ ଦୂର।। 

  ସବୁଜ ସୁନ୍ଦର କରିବା  ଧରାକୁ 

  ଗଛ ଲଗାଇବା ଆସ 

  ଗଛଟି ହସିଲେ ଜଗତ  ହସିବ 

  ସୁସ୍ଥ ହେବ ପରିବେଶ। । 

∎ 

  ନୀଳାଦ୍ରିବିହାର  

  ଭୁବନେଶ୍ବର---21(9937033750)