ଶୀତ ଗଲା ଋଷି
ହରିପ୍ରିୟା ପଟ୍ଟନାୟକ
ଫେବୃଆରୀ : ୨୦୨୬
Canonical: https://shishukishora.com/shishu/article_details-d6676c6950.html

ଶୀତ ଚାଲିଗଲା ଥିରିଥିରି 

  ମଳୟ ବହେ ଶିରିଶିରି 

  କାଉକୁ କହିଲା କୋଇଲି 

  ତୁ ଦେଖୁନାହୁଁ ମୋର ଶିରୀ 

  ଆମ୍ବଗଛେ ଏବେ ବଉଳ 

  ପୋଖରୀରେ ଖେଳେ ଶେଉଳ 

  ସାପ ବାହାରିଲା ଗାତରୁ 

  ବାଟରେ ଜଗିଛି ନେଉଳ 

  ଭଦଭଦଳିଆକୁ  ଦେଖରେ 

  କଙ୍କି ଉଡିବୁଲେ ପାଖରେ 

  କଜ୍ଜଳପାତିଟା ଚକ୍କର କାଟି 

  ନେଇଗଲା ଗୋଟେ ଥଣ୍ଟରେ। 

  ବସନ୍ତରାଣୀ ଆସିଗଲା 

  ଶୀତମାଉସୀଟା ଋଷିଲା 

  ଦୋଳରେ ରଙ୍ଗ ହୋରିଖେଳ 

  ପାଖେଇ ପାଖେଇ ଆସିଲା। 

 ∎