ଠେକୁଆ ପାଇଲା ନୂଆ  ଜୀବନ
ଚତୁର୍ଭୁଜ ପହି
ସେପ୍ଟେମ୍ବର: ୨୦୨୬
Canonical: https://shishukishora.com/shishu/article_details-dbfdaf075a.html

ଅଗଲ ବଗଲ ସପଲ ସାଇ 

ବଣରେ କହୁଛି ଗଧିଆ  ଯାଇ 

ରୋଗରେ ପଡିଛି ଠେକୁଆ ଭାଇ 

ନାଡି ଦେଖେ ହନୁ ବଇଦ  ହୋଇ 

ଲାଗିବ ଲହୁ 

ଭଲ ହେବାପାଇଁ  ଲୋଡା ହେବ ତାର 

ପଇସା ବହୁ।।,,,,,,

କଥା ଖେଳିଗଲା କେଡେ  ପୁଲକେ 

ଭାଳେଣି ପଡିଲା ବଣ  ମୂଲକେ 

ସଞ୍ଚିନି ପଇସା ଆଣିବ  କାହୁଁ 

ମିଳିବ କୋଉଠୁ ତାହାକୁ  ଲହୁ 

ପଡିଲା ହୁରି 

କେମିତି ରହିବ  ଠେକୁଆ ଜୀବନ 

ଚିନ୍ତା ସବୁରି।।,,,,,,,,,

ନାଚି ନାଚି ହନୁ  କରିଲା ମଜା 

ଢୋଲ ବଜାଇଲା ହରିଣ  ଅଜା 

ଗାଇଲେ ଚଢେଇ ମଧୁର  ଗୀତ 

ଗଧ ଆସି କହେ ଠେକୁଆ  ମିତ 

ପଡିଛି ରୋଗେ 

ଇଛା ରେ ତୁମର  ଯିଏ ଯାହା ପାଉ 

ଦିଅଟି ବେଗେ।

ହାତୀ ଆଣି ଦେଲା ମଣି  କାଞ୍ଚନ 

ବିକିବାରୁ ହେଲା ବହୁତ  ଧନ 

ଜଳହସ୍ତୀ ଦେଲା ଦେହରୁ  ଲହୁ 

ଦେଲେ ଯିଏ ଯାହା  ପାରିଲା ଯହୁଁ 

ହେଲା ନିଦାନ 

ସେବା ଦାନ ବଳେ  ପାଇଲା ଠେକୁଆ 

ନୂଆ ଜୀବନ।।,,,,,,

∎ 

ସଂପାଦକ - ସାଇ ଚେତନା  ସାହିତ୍ୟ ସଂସଦ

, ସଢା, କେନ୍ଦୁଝର