ମାଙ୍କଡ ବସିଛି ପାଚେରି ଉପରେ

ଲେଖା : ସ୍ଵାତୀ ମହାନ୍ତି

ମାଙ୍କଡ ବସିଛି ପାଚେରି ଉପରେ
କାଙ୍କଡ ଗଛକୁ ଚାହିଁ ।
ବାଙ୍କବାବୁଙ୍କର କାଙ୍କଡ ଗଛରେ
ଗୋଟିଏ କାଙ୍କଡ ନାହିଁ ॥
ଯେବେଠୁ ବଢିଲା କାଙ୍କଡର ଦର
ବାଙ୍କବାବୁ ଲୋଭୀ ହେଲେ।
କଷିଠୁ ପାକଳ ସବୁ ତୋଳି ନେଲେ
ବଜାରରେ ବିକି ଦେଲେ ॥
ତାଙ୍କର କୁକୁର ଚୁଉପ ବସିଛି
ଗୋଡାଉନି ମାଙ୍କଡକୁ ।
କାହିଁକି ଜଗିବ କାଙ୍କଡ ବାଡିକୁ
ମିଳୁ ନାହିଁ ଖାଇବାକୁ ॥
ବାଙ୍କ ବାବୁ ଏବେ ଅତି ନିକୁଛିଆ
ଟଙ୍କା ପାଇଁ ହାଇଁପାଇଁ ।
କୁକୁରକୁ ଗଣ୍ଡେ ଭାତ ଦେବା ପାଇଁ
କରୁଛନ୍ତି ନାହିଁ ନାହିଁ ॥

∎