କଳାର ରାଜ୍ୟ ମୋର

ଲେଖା : ଅସ୍ମି ଆୟେଶା ମହାରଣା

ଏ ରାଜ୍ୟ ମୋର କଳାର ରାଜ୍ୟ,
ଏମିତି ରାଜ୍ୟ ନାହିଁ ।
ଉତ୍କଳ ନାମେ ଜଗତେ ଖ୍ୟାତ,
ଏଇ ମୋ ଜନ୍ମ ଭୂଇଁ ॥
ଚାରୁକଳାରେ ମନ୍ଦିର ଶୋଭା,
କୋଣାର୍କ ରାଜରାଣୀ ।
ଚିଲିକା ପରି ଶୋଭା ପସରା,
ଉତ୍କଳ ରାଇଜ ରାଣୀ ॥
ସାଗର କୂଳେ ଜଗା ଠାକୁର,
ସାରା ଜଗତେ ଡାକ ॥
ଡାକିଲେ ତାଙ୍କୁ ଶୁଣିବେ ସିଏ ,
ସଭିଙ୍କର ସେ ସଖା ॥
ସାଗର ବେଳା ନଦୀ ନିର୍ଝର,
ବନ ପାହାଡ ଭୂଇଁ ।
ମେଲି ଦେଇଛି ଶୋଭା ପସରା,
ସବୁ ଆମରି ପାଇଁ ॥
ଶିମିଳିପାଳ ଅଭୟାରଣ୍ୟ,
ଭିତରକନିକା ଯିବା ।
ଗୋପାଳପୁର ବେଳାଭୂମିରେ,
କରିବା ଆମେ ମଜା ॥
ଯାଜପୁର ଏ ଜଗତେ ଖ୍ଯାତ,
ବିଜେ ଏଠି ବିରଜାଇ ।
ସମ୍ବଲପୁରରେ ବିଜେ କରନ୍ତି ,
ମା ମୋର ସମଲାଇ॥
ଅତିଥି ଏଠି ଦେବତା ପରି ଆମ କୁଣିଆ ପରା ।
ଆଦରେ ତାଙ୍କୁ ବୁଲାଇ ଦେବା ଆମ ରାଇଜ ସାରା ॥
∎ ଶ୍ରେଣୀ- 4, ଦତ୍ତତୋଟା ୟୁପି ସ୍କୁଲ, ପୁରୀ