କବିତା
ତାକ ଧୀନାଧୀନି ଧେଇକି
ତାକ ଧୀନା ଧୀନି ଧେଇକି
କାହ୍ନା ଯିବ ଆର ସାହିକି,
ଆର ସାହିରେ ବାଜୁଛି ବାଜା
ଘୁଙ୍ଗୁର ପିନ୍ଧି ଭଲ୍ଲୁକ ରାଜା
ପାଣି ସରସର ପାଦ ଟି ଭିଜା
ନାଚୁଅଛି ଥେଇ ଥେଇକି ।
କହିଲେ ଆଈ ଧନ ରେ
ଯିବାକୁ ତୋର ମନ ରେ,
ବାହାରିପଡ଼ ଦେଖିବୁ ନାଚ
ପିଠା ଓ କ୍ଷୀରି ଖାଇ କି
ନାଚ ଦେଖିବୁ ଯାଇ କି
ତାକ ଧୀନା ଧୀନି ଧେଇକି ।
ଢୋଲ ବାଜୁଛି ଡମ ଡମ
ଭାଲୁ ନାଚୁଛି ଛମ ଛମ,
ମାଲିକ ତାହାର ଜାଣିକି
ଶିକୁଳି ରଖିଛି ଟାଣିକି
ମୁହଁ ରେ ହସ ନାହିଁ କି
ତାକ ଧୀନାଢିନି ଧେଇକି ।
କହିଲା କାହ୍ନା ଆଈକି
ଫିଟାଇ ଦିଅ ଯାଇକି,
ମାଆ କୋଳକୁ ଯାଉ
ବଣ ର ଫଳ ଖାଉ
ପରାଧୀନ ରୁ ପାଇ ମୁକତି
ରହିବ ସେଠି ହସିକି
ତାକ ଧୀନଧୀନି ଧେଇକି ।
ସେକଥା ଭାଲୁ ଶୁଣିଛି
କାହ୍ନା କୁ ମନେ ଖୋଜୁଛି,
ମୁକତି ସିନା ପାଇ ପାରିନି
ମାଆ କୋଳକୁ ଯାଇ ପାରିନି
କେହି ତ ଜଣେ କଷଣ ଦେଖି
ମୋ ସୁଖ ପାଇଁ ଭାବୁଛି ।
ଲାଗୁଛି ଖୁସି ଏତେ ଦିନ ପରେ
ଭଲ ସାଥିଟିଏ ପାଇକି
ତାକ ଧୀନା ଧୀନି ଧେଇକି ।
∎
ବାଣ୍ଠୁପଡା, ରାଜଗାଙ୍ଗପୁର, ସୁନ୍ଦରଗଡ଼
ଫୋନ 7008304225
ଲେଖା ସମ୍ପର୍କୀୟ ମତାମତ
Dinabandhu poi
01-01-2026 / 13:55:07
ଭଲ ଲାଗିଲା ,
Mohan Kumar swain
01-12-2025 / 12:37:03
ଭଲ ଲାଗିଲା କବିତା ଟି